Алматыда жеңіл көлік бағанға соғылып, жанып кете жаздады

АЛМАТЫ. ҚазАқпарат - Алматыдағы Райымбек пен Пушкин көшелерінің қиылысында түнде жол апаты орын алды, деп хабарлайды auto.lafa.kz порталы.

Mitsubishi көлігі Пушкин көшесімен төмен түсіп келе жатып, бағанға соғылған.

Жол апатынан кейін көлік өртене бастаған. Оқиғаға куә болғандар жалынды сөндіріп, ішіндегі екі адамды алып шықты. Қазір олар ауруханаға жатқызылды.

Полиция қызметкерлері көлік жүргізушісінің ішімдік ішіп алуы ғажап емес дейді.