11:32, 13 Қаңтар 2021 | GMT +6
Алматыда жеке сектордан граната табылды
АЛМАТЫ. ҚазАқпарат- Алматыда жеке сектордан граната табылды, деп хабарлайды ҚазАқпарат тілшісі.
Бұл туралы ақпарат әлеуметтік желіде тарады. Онда куәгерлер граната «Қарғалы» шағын ауданындағы Редько көшесінен табылғанын айтты. https://www.instagram.com/p/CJ3j3p3hokM/
Қалалық полиция департаментінің баспасөз қызметі жарылғыш заттың жауынгерлік емес екенін жеткізді.
«Табылған граната арнайы сараптамаға жіберілді. Қазір бұл факт сотқа дейінгі тергеп-тексерудің бірыңғай тізіліміне ҚРҚК-нің 287-бабы 3-бөлімі бойынша тіркелді», - деп хабарлады полициядан.
Фотосурет әлеуметтік желіден алынған