Алматыда жедел жәрдемнің қос дәрігері соққыға жығылды, бірі жансақтау бөлімінде жатыр

АЛМАТЫ. ҚазАқпарат - Алматыда жедел жәрдем қызметінің екі дәрігері соққыға жығылды. Бұл туралы қалалық денсаулық сақтау басқармасының баспасөз хатшысы Кеңесбаева Лейла хабарлады.

«Шабуыл кеше түнде болған. Жапа шеккендердің бірі ауыр жағдайда жансақтау бөліміне түсті. Екіншісінің де жағдайы мүшкіл», - деді баспасөз хатшысы.

Болған оқиғаның жай-жапсары тексеріліп жатыр.