02:49, 28 Шілде 2017 | GMT +6
Алматыда жедел жәрдем көлігі аударылды
АЛМАТЫ. ҚазАқпарат - Алматыда жол апатына ұшыраған жедел жәрдем көлігі аударылып қалды, деп хабарлайды ҚазАқпарат тілшісі.
Жол-көлік оқиғасы Рысқұлов көшесінің бойында болған.
Шығысқа бағыт алған BMW көлігі қарама-қарсы келіп солға бұрыла бастаған жедел жәрдем көлігін бүйірден соғады. Салдарынан жедел жәрдем көлігі бір жағына аударылып қалған.
Жол апатынан жедел жәрдемде болған 2 медициналық қызметкер жапа шекті.
BMW жүргізушісінің айтуынша, жедел жәрдем жүргізушісі арнаулы дабылды қоспай бұрылған.
Ал жеңіл көліктің өзі қандай жылдамдықта болғанын полицейлер анықтайтын болады.