Алматыда жазғы кафелер жұмыс істеуге рұқсат алды

АЛМАТЫ. ҚазАқпарат - Алматыда жазғы алаңдар мен кафелердің ашылуына рұқсат берілді. Әкім бұл шешімді кәсіпкерлік субъектілері үшін қатаң карантин енгізу салдарына арналған Алматы қаласының кәсіпкерлер қауымымен кездесуі кезінде мәлім етті, деп хабарлайды ҚазАқпарат тілшісі қалалық кәсіпкерлер палатасының баспасөз қызметіне сілтеме жасап жасап.

Кездесу барысында Алматы қаласы кәсіпкерлер палатасының өңірлік кеңесінің мүшелері өз ұсыныстарын білдіріп, мемлекет тарапынан қолдау көрсету туралы сұрақтар қойды.

«Белгілі бір әлеуметтік мәселелер бар. Қазіргі уақытта шамамен 50 мың кәсіпорынның қызметіне шектеу қойылды. Бұл - 20 мың жалға алушы, 25 мың базар, бес мың мейрамхана мен кафе. Онда 250 мыңға жуық адам жұмыс істейді», – деп атап өтті Бақытжан Сағынтаев.

Отырыста карантин кезеңінде жұмыскерлердің жалақысы мен кәсіпкерлік субъектілерінің үй-жайларын жалдау шығындарын бюджеттен қаржыландыру ұсынылды.

Алматы қаласы әкімінің айтуынша, бизнеске салықтық жеңілдіктер беру мәселесі пысықталуда.

«Бүгін біз Алматы қаласының бас санитар дәрігерімен жазғы жұмысшылар мәселесін талқыладық. Кездесу нәтижесінде жазғы алаңдардың жұмысын қайта бастау туралы шешім қабылданды, қаулыға тиісті өзгерістер енгізілді», – деді Алматы қаласының әкімі Сағынтаев.

QR кодын пайдалану және жалпы ПТР базасымен интеграциялау арқылы келушінің мәртебесін анықтауға мүмкіндік беретін Ashyq пилоттық жобасының жұмысын Алматыда қайта бастау туралы шешім қабылданды.

Бақытжан Сағынтаев вирустың мутацияланған штамдарының таралуымен қиындатылған Алматыдағы эпидемиологиялық жағдайдың ауырлығын атап өтті.

Оның айтуынша, қазір тарату жылдамдығы тұрғысынан жағдай өткен жаздағыдан әлдеқайда күрделі.

Айта кетейік, сенбі, 27 наурызда Алматының бас мемлекеттік санитария дәрігері Жандарбек Бекшин қалада күшейтілген карантин шараларын 12 сәуірге дейін ұзартты.