+7 (701) 759 90 19
USD 425.49 EUR 512.84
RUB 5.63 CNY 64.83
Jańalyqtar

Алматыда жастар зайырлылық принциптерімен танысты

2019 жылғы 13 қыркүйек 11:46
Бөлісіңіз:
Алматыда жастар зайырлылық принциптерімен танысты

АЛМАТЫ. ҚазАқпарат – Кез-келген елде зайырлылық принциптерінің салтанат құруы діни тұрғыдан білімді, сауатты жастардың өсуімен сипатталады.

Ұқсас жаңалықтар
Елорда жастары жобасы: Қолдау көрсетудің жаңа бағыты пысықталып жатыр Жұмысшы жастар пәтерді қандай шарттармен алады Жамбылда «Әулиеата жастары» өңірлік бағдарламасы қабылданды

Бұл туралы ойымен әл-Фараби атындағы ҚазҰУ дінтану және мәдениеттану кафедрасының профессоры Қарлығаш Борбасова Алматы мемлекеттік педагогикалық колледж студенттерімен кездесу барысында бөлісті, деп хабарлайды ҚазАқпарат.

Дәрісті колледждің 1-2 курс студенттері тыңдады. Дінтанушы маман жастарды дін саласындағы мемлекеттік саясатпен таныстырып, діни санасын қалыптастыруға тырысты. Кездесу барысында зайырлылық принциптері терең ашылды.

«Зайырлы мемлекеттің принциптерінің бірі - толеранттылық. Зайырлы мемлекет көп конфессиялы, көп дінді болады. Бейбіт өмір сүру үшін Елбасының саясаты, жалпы мемлекеттік саясат, төзімділік мәселелеріне көңіл бөлу керек. Бұл түсініктердің өз шеңбері бар. Біз ұлт ретінде қазақ екенімізді, егемен ел болу үшін ұлттық қауіпсіздікті ұмытпауымыз керек. Сауатты болуымыз керек. Саяси, діни сауатты болу керек. Сол үшін жастар көшеде, кез-келген жерде адамдармен қатынас жасағанда олар сізге діни уағыз айтуы мүмкін. Жастарда рухани ізденіс болады. «Өмірдің мәні неде, адам неге өледі, өлген соң қайда барады?» деген сияқты сауалдарға өмір бойы жауап іздейтіні анық. Көп жастар оны ата-анадан, мұғалімнен сұрамайды, интернетке сүйенеді. Ал бұл қауіпсіз емес», - деді Қарлығаш Борбасова.


Профессор жастарды жат ағымның жетегінен қорғау үшін әкімшілік тарапынан әртүрлі іс шара ұйымдастырылып жатқанын айтты. Дінтанушы маман ел болашағын тәрбиелеуде қыз балалардың рөлі өте жоғары екенін атап өтті.

«Қыз балаға үлкен жауапкершілік берілген. Себебі сіздер тек өз балаларыңызды емес, бүкіл қоғамның болашағын тәрбиелейсіздер. Қазақтың негізгі дәстүрі - үлкенді сыйлау. Мұғалімдер өзінің іс әрекетімен, ісімен үлгі болуы керек. Шашты жаймай, қысқа юбка кимей, анаға қарсы сөйлемеу, енеңізді сыйлау, азаматыңызды сыйлау керек», - деп қорытындылады Қарлығаш Борбасова.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT