+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

Алматыда жас ана 20-қабаттан секірмек болды

2019 жылғы 9 қазан 12:17
Бөлісіңіз:
Алматыда жас ана 20-қабаттан секірмек болды

АЛМАТЫ. ҚазАқпарат – Алматы полицейлері тұрғын үйдің 20-шы қабатынан секірмек болған жас ананы құтқарды, деп хабарлайды ҚазАқпарат тілшісі.

Ұқсас жаңалықтар
Солтүстік Қазақстанда қыз бен жігіт орманда асылып қалды Түркістанда жасөспірімдер арасындағы суицид мәселесі талқыланды Ақтөбеде жасөспірім өз-өзіне қол жұмсады

Алматы полициясының «102» пультіне «Манхэттен» тұрғын үй кешенінің тұрғындарынан хабарлама түскен. Олар үйлердің бірінің 20-қабатында дәліздегі балконнан аяғын сыртқа салбыратып отырған әйел туралы айтқан. Көрсетілген мекенжайға дереу Буран-080 патрульдік тобы аттанған. Оқиға орнына жеткен полиция аға лейтенанты Саят Бекжанов пен полиция подполковнигі Нұрсұлтан Бектұрсын бұл ақпаратты растап, ғимараттың 20-қабатына көтерілген.


«Бірден шара қолдануға көштік. Оған ақырын жақындадық: әйел балконның шетінде отыр екен. Жанында бала арбасы тұрды, ішінде кішкентай сәби жатты. Көрші үйдің тұрғындары әйелдің назарын өздеріне аударып, мұндай шешімнен бас тартуын өтініп жатты. Жағдайды бағалай отырып, жүгіре жанына жеттік те, балконнан ішке түсіріп алдық. Жағдайды сұрағанымызда әйел ештеңе айта алмай, жылады. Мен оны құшақтап, жұбатуға тырысқанымда, ол қатты жылай бастады. Оның проблемасы болғаны анық. Ең бастысы, жас ана мен оның алты айлық баласы құтқарылды», - деді Алматы қалалық жол-патрульдік қызметінің полицейі Саят Бекжанов.


Белгілі болғандай, әйелдің жасы – 26-да, алты айлық баласы бар, тұрмысқа шыққан. Күйеуі басқа қалада жұмыс істейді. Қазір полиция жас ананың мұндай әрекетке баруына не себеп болғанын анықтап жатыр. Сондай-ақ, онымен психолог жұмыс істеуде.



Біздің каналымызға жазылыңыз:

Басты сөздер: Алматы, Оқиға, Аймақ,
Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT