Алматыда Жаңа жылда Аяз ата мен Ақшақарды үйге шақыруға тыйым салынды

АЛМАТЫ. ҚазАқпарат – Алматының бас мемлекеттік санитар дәрігері Жандарбек Бекшин жаңа қаулыға қол қойды, деп хабарлайды ҚазАқпарат тілшісі.

Алматының бас санитар дәрігері жаңажылдық іс-шараларды өткізуге тыйым салу туралы шешім қабылдады.

«25 желтоқсаннан 5 қаңтарға дейін барлық ұйым мен мекемеде жаңажылдық іс-шараларды өткізуге, сондай-ақ аниматорларды, яғни аяз Ата, Ақшақар және басқа жаңажылдық кейіпкерлерді үйге шақыру бойынша агенттіктердің жұмысына тыйым салынады», -делінген қаулыда.

Жаңа қаулы 26 желтоқсанда күшіне енеді.