+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Алматыда жаңа туған нәрестеге күрделі ота жасалды

2020 жылғы 16 қаңтар 16:38
Бөлісіңіз:
Алматыда жаңа туған нәрестеге  күрделі ота жасалды

АЛМАТЫ. ҚазАқпарат – Алматылық дәрігерлер жаңа туған нәрестеге күрделі ота жасап, өмірін сақтап қалды, деп хабарлайды ҚазАқпарат тілшісі.

Балаларға шұғыл медициналық көмек көрсету орталығына туабітті ақаумен дүниеге келген нәресте жеткізілді. Шақалаққа сегізкөз-құймышақ тератомасы деген диагноз қойылған.

Дәрігерледің айтуынша, жаңа туған нәрестелерде мұндай ісіктер өте сирек кездеседі, қуантарлығы ол қатерлі ісікке жатпайды. Ота сәтті жасалса, тез сауығып кетеді.

«Нәрестенің ісігі 20 см. дейін ұлғайған, яғни ісік көлемі, баланың салмағынан асып түсті. Сондықтан шұғыл ота жасау керек болды. Өйткені ол басқа ағза мүшелерінің жұмысына кері әсер ете бастайды. Әсіресе, тоқ ішекті қысады. Нәтижесінде жамбас мүшелерінің функциялары бұзылады. Сонымен қатар, ісіктің жарылып кету қауіпі болды «, - дейді іріңді және торакалды хирургия бөлімінің меңгерушісі Мырзахмет Саматбек.

Дәрігердің айтуынша, мұндай диагнозбен ота жасау уақыты ісік көлемімен есептеледі. Егер ісік ешқандай асқынуларға алып келмесе, онда операцияны туғаннан бастап алты ай ішінде жасау қажет. Одан кейінге шегурге болмайды.

Ота шамамен екі сағатқа созылды және сәтті өтті. Бүгін сәби ауруханадан шығарылды.


Біздің каналымызға жазылыңыз:

Басты сөздер: Алматы, Медицина,
Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT