+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Алматыда жаңа отбасылық демалыс орны пайда болады

2021 жылғы 19 қыркүйек 14:10
Бөлісіңіз:
Алматыда жаңа отбасылық демалыс орны пайда болады

АЛМАТЫ. ҚазАқпарат - Алматының Наурызбай ауданында отбасылық жаңа Alem Рark демалыс орны салынады, деп хабарлайды ҚазАқпарат тілшісі.

Ұқсас жаңалықтар
Алматыда коронавирус жұқтырғандар саны азайды Алматы зообағында зебра құлындады Алматы облысында жүк көлігі қағып, мерт болған ер адамның кім екені белгісіз

Алматы қаласының әкімі Бақытжан Сағынтаев жобамен танысты. Наурызбай ауданы әкімдігінің жанындағы 4,56 га аумақта ескі саябақтың орнына жаңа саябақ салынады.

Мұнда тек ауданның ғана емес, бүкіл қала тұрғындары отбасымен және достарымен уақыт өткізуге, жаңа аттракциондарға мінуге, аллеяларда серуендеуге және таза ауада тамақтануға келетін болады.

Саябақта 44 аттракцион мен 4 фудкорт салынады.

Балалар батутта секіре алады, виртуалды шындық әлеміне енеді, үшінші қиындық деңгейіндегі арқан жолынан өтеді, лабиринттен шығудың жолын табады, өзінің Lego үйін салады және, әрине, туған күнін тойлай алады.

Саябақтың бірегей тұжырымдамасының нәтижесінде оның барлық қонақтары жасына қарамастан көңіл көтере алады.

Аlem Park – жай ғана саябақ емес, түрлі-түсті алаңдар, сәулеттік құрылымдары, арқан саябағы, альпинистік қабырға, жайлы кафелер мен басқа да көптеген ойын-сауығы бар тұтас қала.

Саябақтың негізгі идеясы – көркем табиғат ландшафтын заманауи ойын-сауық технологияларымен үйлестіру, мұнда балалар мен ересектер үшін демалыс пен ойын-сауық біріктіріледі.

Әртүрлі мастер-класстар, отбасылық жарыстар, балалар кештері, аниматорлардың қатысуымен ашық ауада ойындар өтеді.

Осы жобаны жүзеге асырудың арқасында Алматыда жаңа үлкен демалыс және ойын-сауық саябағы пайда болады, ол тұрғындардың жиналатын орнына айналады, алматылықтардың жайлы өмірі мен демалысын қамтамасыз етеді.

Айта кетерлігі, саябаққа 500-ге жуық ағаш отырғызылады.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT