Алматыда жалған вакцина паспортын сатқандар қалай жазаланады
Онлайн брифинг барысында Алматы қаласы денсаулық сақтау басқармасы басшысының орынбасары Лаура Мырзағали жалған вакцина төлқұжатын сату фактісін болдырмаудың жолын айтты.
«Біз барлық медицина ұйымдарының бірінші басшыларына сыбайлас жемқорлыққа жол бермеуді тапсырдық. Ол үшін күн сайын өз ұжымын және вакцинация пунктерін тексеріп, бақылауға алу міндеттелді. Әрбір медициналық ұйымның басшыларына жауапкершілік жүктелді.Қазіргі таңда бұл мәселеге әр медициналық ұйымның басшысы жауап береді, яғни, дербес жауапкершілік бар. Егер мұндай әрекеттер анықталып жатса басшы атқарып отырған қызметінен кетуі де мүмкін. Сондықтан, олар бұл туралы жақсы біледі және ескертілген», - деді Лаура Мырзағали.
Бұған дейін, мегаполисте бірнеше емханада вакцина паспорты сатылғаны туралы жазған болатынбыз.