+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Алматыда заңсыз сатылған ұңғыма мемлекетке қайтарылды

2021 жылғы 21 қыркүйек 16:13
Бөлісіңіз:
Алматыда заңсыз сатылған ұңғыма мемлекетке қайтарылды

АЛМАТЫ. ҚазАқпарат – Алматыда заңсыз сатылған ұңғыма мемлекетке қайтарылды. Бұл туралы Алматы қалалық прокуратураның баспасөз қызметі мәлім етті, деп хабарлайды ҚазАқпарат тілшісі.

Ұқсас жаңалықтар
Көкшетауда қалалық аурухананың лауазымды тұлғалары алаяқтық жасады деген күдікке ілінді Алматыда қаржы пирамидасын ұйымдастырушы ұсталды Ақтөбе дәмханасына «жарылғыш зат қойған» жігіт ұсталды

Ведомстваның мәліметінше, Алматы қаласы прокуратурасының талап арызы бойынша Бостандық ауданындағы «Ерменсай» шағынауданының тұрғындарын сумен қамтамасыз ететін су сорғыш станциясы бар ауданы 1 га жер учаскесі мемлекеттік меншікке қайтарылды.

«Талдау 2007 жылға дейін әлеуметтік маңызы бар нысан мемлекеттік меншікте, «Еңбек» республикалық мемлекеттік кәсіпорнының шаруашылық басқару құқығында болғаны анықталды.

Алматы облысы, Қарасай ауданы әкімдігінің және «Еңбек» РМК қызметкерлері уәкілетті органның рұқсатынсыз «О» ЖШС жерін 470 400 теңгеге заңсыз сатқан. Бұл лауазымды тұлғалар әртүрлі қылмыстар үшін сотталған болатын»,- деп хабарлады прокуратурадан.

Ұңғыманы сатқаннан кейін компания аудан тұрғындарына суды сата бастаған.

«Алайда ауыз судың сапасы, кәріз желісінің тозуы және тарифтердің тұрақсыздығы аудан тұрғындарының наразылығын тудырды, сондай-ақ осы фактілер бойынша әртүрлі органдарға көптеген өтініштер келіп түсті.Талдау қорытындысы бойынша прокуратура Алматы қаласының мамандандырылған ауданаралық экономикалық сотына талап арызбен жүгінді. Сот талап арызды толық көлемде қанағаттандырды, атап айтқанда, ұңғымамен учаскені сатып алу-сату шарты және жекеменшік құқығы актісі жарамсыз деп танылды»,- деп атап өтті ведомствадағылар.

Қазіргі уақытта объектіні қаланың коммуналдық меншігіне қабылдау рәсімі жүріп жатыр, оның кадастрлық құны 60 млн теңгеден асады.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT