+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Алматыда ұрланған көлік айналарын сатып алушы ұсталды

2019 жылғы 23 қазан 12:16
Бөлісіңіз:
Алматыда ұрланған көлік айналарын сатып алушы ұсталды

АЛМАТЫ. ҚазАқпарат– Алматыда автокөліктердің ұрланған көлік айнасын сатып алушы ұсталды, деп хабарлайды ҚазАқпарат тілшісі.

Соңғы бір айда Алмалы ауданының аумағында 30-дан астам ұрлық жасаған әккі ұры қылмыс үстінде ұсталды.

«Полиция бөлімшесіне Мәметова мен Чайковский көшелерінің қиылысында тұрған көліктің айнасы ұрланғаны туралы хабар келіп түсті. Тергеу тобы оқиға орнына жіберілді. Қылмыскердің қолтаңбасын ескере отырып, біз оның осы ауданға тағы да ұрлық жасауға келетінін білдік. Расында солай болды. Көп ұзамай тәртіп сақшылары күдіктіні анықтап, ұстады. Ер адам қолындағы айғақ заттардан құтылуға тырысты. Ұрланған айналарды лақтырып жіберді»,-дейді Алмалы аудандық полиция басқармасының бастығы Есен Ысқақов.

Күдікті 1987 жылы туған. Бұрын қарақшылық жасап, бөтеннің мүлкін ұрлағаны үшін бірнеше рет сотталған. Осы фактіге қатысты ҚР ҚК 188-бабы 3-бөлігі бойынша сотқа дейінгі тергеу басталды.


Күдікті негізінен «Toyota Land Cruiser 200», «Lexus LX 570», «Toyota Camry 55» маркалы көліктердің бүйір айналарын ұрлауға маманданған. Ол қылмыстық жолмен тапқан тауарын «Kaр Сити» сауда үйінде жұмыс істейтін танысына сатып келген.

«Ұрланған айналарды 32 жастағы М. атты азамат сатып алып, оны басқа сатушыларға беріп отырған. Осылайша ол ұрланған айналарды қайта сату арқылы үстінен пайда көрген. Қазір оның үстінен ҚР ҚК 196-бабының 2-бөлігі бойынша қылмыстық іс қозғалды. Екі күдікті де уақытша ұстау изоляторына қамалды. Тергеу амалдары жүргізілуде», - дейді Есен Ысқақов.

Біздің каналымызға жазылыңыз:

Басты сөздер: Алматы, Қылмыспен күрес,
Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT