+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Алматыда түнде қыдыруға шыққан балалардың ата-аналары айыппұл төледі

2019 жылғы 10 желтоқсан 16:42
Бөлісіңіз:
Алматыда түнде қыдыруға шыққан балалардың ата-аналары айыппұл төледі

АЛМАТЫ. ҚазАқпарат – Алматыда «Жасөспірім» жедел-алдын алу іс-шарасының бірінші кезеңі өтті. Балаларын көңіл көтеру орындарына жіберген ата-аналар айыппұл төледі, деп хабарлайды ҚазАқпарат тілшісі.

Ұқсас жаңалықтар

«Шараның мақсаты - кәмелетке толмағандар арасындағы құқық бұзушылықтың алдын алу және болдырмау, кәмелетке толмағандарға алкоголь және темекі өнімдерін сату фактілерін анықтау, ойын-сауық мекемелерге түнгі уақытта, заңды өкілдерінсіз барған кәмелетке толмағандарды анықтау. Аталған кешенді шараға ПД-нің жеке құрамы, жергілікті атқарушы органдардың, прокуратураның, білім беру, денсаулық сақтау органдарының, сондай-ақ «Нұр Отан» партиясының жастар қанаты филиалы өкілдері жұмылдырылды», - дейді Алматы қалалық ювеналды полиция басқармасының бастығы Ләйлә Әліпбаева.

Шара барысында полиция басқармасына барлығы 296 жасөспірім жеткізілді. Жасөспірімдер жасаған 284 әкімшілік құқық бұзушылық анықталды, 12 баланың кезбелікке салынғандығы белгілі болды. Олар кәмелетке толмағандарды бейімдеу орталығына орналастырылды. Сонымен қатар, Ішкі істер органдарының тізіміне алынған 20 жасөспірім, 25 қолайсыз отбасы алынды.

Сондай-ақ, балалары түнгі уақытта ойын-сауық мекемелерінде және үйлерінен тыс жерлерде жүргені үшін 242 ата-ана әкімшілік жауапкершілікке тартылды. Көңіл көтеру мекемелерінің 6 лауазымды тұлғасына қатысты әкімшілік істердің материалдары кәмелетке толмағандардың істері жөніндегі мамандандырылған ауданаралық сотқа жіберілді.

«Бұдан бөлек, қаланың сауда орындарында кәмелетке толмағандарға ішімдік мен темекі сатқан 9 факті анықталды. Іс-шара барысында көшеде және панасыз қалған кәмелетке толмағандарды, сондай-ақ балалар еңбегін пайдалану фактілерін анықтау мақсатында базарларда, ойын-сауық орындарында, теміржол вокзалдарында, қоғамдық орындарда және қала көшелерінде рейд жүргізілді», - деп қортындылады Ләйлә Әліпбаева.

Біздің каналымызға жазылыңыз:

Басты сөздер: Алматы, ҚР ІІМ,
Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT