+7 (701) 759 90 19
USD 419.66 EUR 500.44
RUB 5.62 CNY 64.73
Jańalyqtar

Алматыда туберкулезбен күрес айлығы басталды

2021 жылғы 23 ақпан 17:20
Бөлісіңіз:
Алматыда туберкулезбен күрес айлығы басталды

АЛМАТЫ. ҚазАқпарат – Дүниежүзілік туберкулезге қарсы күрес күніне арналған айлық басталды. Пандемияны ескере отырып, іс-шаралар онлайн түрде өткізіледі. Бұл туралы брифинг барысында Ұлттық фтизопульмонология орталығының директоры Мәлік Әденов айтты, деп хабарлайды ҚазАқпарат тілшісі.

Ұқсас жаңалықтар
«Уақыт өтіп жатыр»: Елордада туберкулезбен күрес айлығы жалғасуда Нұр-Сұлтанда туберкулез ауруы бес есе азайды СҚО-да былтыр жаңадан 200-ден астам адамнан туберкулез анықталды

«Басты міндет – «туберкулездің үкім емес екенін» айту. Айлықтың мақсаты халыққа туберкулезді тексеру мен емдеу қолжетімді екені түсіндіру», - дейді Мәлік Әденов.

Оның айтуынша, әлемдік деңгейде аталып өтетін айлықтың маңызы зор. Дүниежүзілік туберкулезге қарсы күрес күнінің ұраны – «Туберкулезге қарсы күресте сенің де өз үлесіңді қосатын уақытың келді».

«Туберкулезбен ауырмау үшін салауатты өмір салтын ұстану маңызды. Жеке гигиена және алдын алу шараларын сақтау керек. Маска режимі мен әлеуметтік қашықтықты сақтау COVID-19 сияқты ауа тамшыларымен берілетін туберкулездің таралуын болдырмауға оң әсер етеді»,- дейді ол.

Айлық аясында оқу орындарында және басқа да ұйымдарда ақпараттық-түсіндіру жұмыстары жүргізіліп, роликтер көрсетіледі.

Сонымен қатар, ол алдағы 5 жылға арналған жаңа кешенді жоспардың енгізілгені туралы айтты.

«Біз биыл 2021-2025 жылдарға арналған жаңа кешенді жоспар әзірлеп, қабылдауды жоспарлап отырмыз, онда барлық іс - шаралар жазылады, соған сәйкес біз болашақта жұмыс істейтін боламыз», - деді Мәлік Әденов.

Айта кетейік, Алматыда соңғы 5 жыл ішінде туберкулез ауруының көрсеткіші 42,8% төмендеген.


Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT