Алматыда трамвай депосында өрт шықты (ФОТО)

АЛМАТЫ. ҚазАқпарат - Алматыда Гоголь-Байтұрсынов көшелерінің қиылысында орналасқан трамвай депосында өрт шықты.

Бұл ақпаратты қалалық ТЖД баспасөз қызметі растады.

Оқиға куәгерлерінің айтуынша, өрт таңғы сағат 3-тер шамасында басталған. Қызыл жалын шамамен 1000 шаршы метрден астам аумақты шарпыған. Әзірге қалалық ТЖД өрттің неден шыққанын айтпай отыр. Қалалық құтқару қызметі жапа шеккен адамдардың жоқтығын хабарлады.