Алматыда төрт көлік соқтығысты
2021 жылғы 10 қараша 19:05

Алматыда төрт көлік соқтығысты

АЛМАТЫ. ҚазАқпарат - Алматы көшесінде төрт көлік соқтығысып, жол апатын жасады, деп хабарлайды ҚазАқпарат тілшісі.

Жол апатының видеосы әлеуметтік желіде тарады.

Жол-көлік оқиғасы Байтұрсынов көшесінің бойында (Әйтеке би - Гоголь көшелерінің аралығы) болды.

Қалалық полиция департаментінің баспасөз қызметі мәлім еткендей, Ford көлігінің жүргізушісі көлігін тоқтата алмай, бар екпінімен Mitsubishi Lancer-ге соғылады.

Соққыдан Mitsubishi Lancer көлігі Mitsubishi Montero машинасының астына кіріп кетті.

Mitsubishi Montero алында тұрған Volkswagen Passat-қа соғылады.

Жол апаты салдарынан Mitsubishi Lancer-дегі әйел жолаушы зардап шекті. Оқиға орнында жол полициясының қызметкерлері жұмыс істеуде.

Жол апатының себептері анықталып жатыр.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT