Алматыда төлем терминалдарын тонаған қылмыстық топ ұсталды

АЛМАТЫ. ҚазАқпарат – Алматыда төлем терминалдарын тонаған қылмыстық топ қолға түсті, деп хабарлайды ҚазАқпарат тілшісі.

Ұқсас жаңалықтар

Өскемен тұрғынынан 2 млн теңгенің есірткісі тәркіленді

Өткен жылы елімізде қылмыс көлемі 30% қысқарды 2021 жылы Қазақстанда учаскелік инспекторлар саны көбейеді Көшелерде жедел көмек шақыруға арналған «SOS түймешігі» орнатылады

Алматы полициясы мегаполистегі аудандарының бірінде арнайы операция жүргізді. Нәтижесінде ірі дүкендердің кіреберісінде орнатылған төлем терминалдарын бұзып, сол жерден ақша ұрлаған екі ер адам ұсталды.

«Қылмыскелердің ізіне түсу үшін алдымен кешенді іздестіру шаралары ұйымдастырылды. Күдіктілер - 31 жастағы Н. және 32 жастағы Ш. есімді азаматтар. Екеуі де бұрын мүліктік қылмысы үшін сотталған. Тергеу барысында олардың терминалдарды бұзу және сол жерден ақша ұрлаудың тоғыз эпизодына қатысы бар екендігі дәлелденді. Қазіргі уақытта ҚР ҚК 188-бабы бойынша сотқа дейінгі тергеу жүріп жатыр. Ұсталғандар уақытша ұстау изоляторына қамалды. Тергеу жалғасып жатыр», - деді Алматы қалалық ПД басшысының орынбасары Берік Әбілбеков.

Спикердің айтуынша, күдіктілер адамдар көптеп баратын дүкендер мен сауда үйлерге орнатылған терминалдарды тонаған. Сатушылар клиенттерге қызмет көрсетумен айналысып жатқанда, ұрылар бірнеше минут ішінде төлем терминалдарындағы ақшаны үптеп кететін болған.