Алматыда тегін дәрі-дәрмек көлемі артты
23:33, 18 Қыркүйек 2021
АЛМАТЫ. ҚазАқпарат - Алматыда тегін дәрі-дәрмек көлемі артты, деп хабарлайды ҚазАқпарат тілшісі.
Алматы қалалық мәслихаты мәлімдегендей, Алматы әкімдігінің ұсынысы бойынша депутаттар сирек кездесетін ауруларды емдеуге арналған дәрілік заттар тізбесін кеңейтуді бекітті.
Сондай-ақ, медициналық препараттар көлемі ұлғайды.
1,3 млрд теңге мөлшерінде бөлінген қосымша қаражат жұлын бұлшықетінің атрофиясын, I санаттағы қант диабетін, симптоматикалық эпилепсия мен басқа да ауруларды емдеуге бағытталатын болады.
Айта кетейік, мұның алдында Алматы мәслихатының депутаттық корпусында бірқатар өзгерістер болған еді.