+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Алматыда тарихшылардың VІІ халықаралық ғылыми-тәжірибелік конференциясы өтті

2019 жылғы 28 қараша 11:16
Бөлісіңіз:
Алматыда тарихшылардың VІІ халықаралық ғылыми-тәжірибелік конференциясы өтті

АЛМАТЫ. ҚазАқпарат – Ш. Уәлиханов атындағы тарих және этнология институтында Елбасының «Ұлы даланың жеті қыры» бағдарламалық мақаласы аясында «Ұлы даланың ұлы есімдері: жастарды патриоттық тәрбиелеудің ғылыми-теориялық және зерттеу мәтініндегі практикалық қырлары» атты жас тарихшы ғалымдардың VІІ халықаралық ғылыми-тәжірибелік конференциясы өтті, деп хабарлайды ҚазАқпарат тілшісі.

Ұқсас жаңалықтар
Маңғыстаулық меценаттар «Туған жер» бағдарламасына 12,6 млрд теңге бөлді Шымкенттік белгілі суретші Алмас Халықов Елбасынан Алғыс хат алды Түркістанға арналған қос байқаудың жеңімпаздары анықталды

Конференция жұмысына Беларусь, Өзбекстан, Тәжікстан, Қырғызстан мемлекеттерінің өкілдері, қазақстандық ғалымдар, қоғам қайраткерлері, білім беру ұйымдары, докторанттар мен магистранттар қатысты.

Конференцияның мақсаты – қазіргі заманғы тарих ғылымының өзекті мәселелерін талқылау, оның ішінде ғылыми зерттеулердің тұлғатану бағытын дамыту, «Ұлы даланың ұлы есімдері» жобасы бойынша нәтижелерін көпшілікке тарату, өскелең ұрпаққа патриоттық және адамгершілік тәрбие беру.

«Жас ғалымдардың халықаралық ғылыми –теориялық конференциясы осымен жетінші рет өткізіліп отыр. Жыл сайын жас тарихшылардың саны артып келеді. Биылғы шара Елбасының «Ұлы даланың жеті қыры» атты бағдарламалық мақаласы мен «Рухани жаңғыру» бағдарламасының басым бағыттарына арналды. Конференцияға қатысушылар өздерінің ғылыми зерттеулерін ұсынды. Баяндамалардың ғылыми маңыздылығы айтылды. Сонымен қатар, қазіргі тарихи тұлғатанудың өзекті мәселелерін талқыладық»,- дейді Ш.Уәлиханов атындағы тарих және этнология институтының ғылыми қызметкері Малика Моряк.

Конференция материалдарының жинағы Қазақстанның, шетелдердің кітапханаларына, ЖОО, ғылыми-зерттеу институттарына таратылатын болады.

«Отандық ҒЗИ мен жоғары оқу орындарына Ұлы дала тұлғаларын зерттеу бойынша жобаларды әзірлеу кезінде шетелдік әріптестер, оның ішінде жақын және алыс шетелдердің бейінді ғылыми ұйымдары мен жоғары оқу орындарынан жас ғалымдары тартылды. Сондай–ақ жоғары оқу орындарына дипломдық жұмыстар, магистрлік диссертациялар, PhD диссертациялық зерттеулер, білім беру курстары тақырыптарына тарихи тұлғаларды зерттеуге бағытталуын күшейту қолға алынды»,- дейді Малика Моряк.

Іс-шара аясында «Е. Бекмаханов атындағы сыйлық» республикалық байқауының қорытындысы шығарылып, жеңімпаздарға ақшалай жүлделер табысталды.

Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT