Қолданушы баптаулары
Қолданушы баптаулары
+7 (701) 759 90 19 Лента
USD 376.60 EUR 429.06
RUB 5.66 CNY 55.64
Jańalyqtar

Алматыда сыбайлас жемқорлықты хабарлағандарға қанша сыйақы беріледі

2018 жылғы 14 маусым 16:01 98
Бөлісіңіз:
Алматыда сыбайлас жемқорлықты хабарлағандарға қанша сыйақы беріледі

АЛМАТЫ. ҚазАқпарат - Алматыда сыбайлас жемқорлық туралы хабарламаға берілетін сыйақы мөлшері қылмыстың түріне қарай беріледі. Бұл туралы Сыбайлас жемқорлыққа қарсы іс-қимыл ұлттық бюросы департаменті басшысы Ержан Ибрагимов айтты, деп хабарлайды ҚазАқпарат тілшісі.

Ұқсас жаңалықтар
Мемлекеттік қызметшілердің іссапар есебін тапсыруы жеңілдеді Түркістанда инвесторлар мен кәсіпкерлерді қолдауға бағытталған жоба жүзеге асырылуда

«Сыбайлас жемқорлыққа қатысты хабарламаға берілетін сыйақы қылмыстың түріне байланысты. Ол 96 200 теңгеден басталып 240 500 теңгеге дейін барады. Егер жеңіл қылмыс болса онда хабарлаушы 40 АЕК көлемінде, яғни 96200 теңге ала алады. Егер бұл орташа деңгейдегі қылмыс болатын болса 50 АЕК яғни 120 250 теңге, ал ауыр қылмыс түрін хабарлаған кісіге 70 АЕК көлемінде 168 350 теңге беріледі. Өте ауыр деген қылмыс туралы хабарлағанға 100 АЕК яғни 240 500 теңге беріледі»,-деді Ержан Ибрагимов.

Оның айтуынша, биыл Алматыда сыбайлас жемқорлық жөнінде хабар таратқандарға  900 мың теңгедей ақша жұмсалған. Ал былтыр 3 млн көлемінде ақша бөлінген.

Сондай-ақ спикердің айтуынша, биыл  сыбайлас жемқорлыққа қарсы іс-қимыл ұлттық бюросы департаменті мен 54 қылмыстық іс қозғалып, оның 40-ы сотқа жіберілген. 18 тұлға әкімшілік жауапкершілікке тартылған.

«Келтірілген залал көлемі 170 миллионды құрайды, оның барлығы қайтарылды. Бюро құзіретіне сыбайлас жемқорлыққа байланысты  құқық бұзушылықтар мен қылмыстарды анықтау кіреді.  Біздің тарапымыздан  ҚР қылмыстық-процестік кодексінің 200 бабын ұжымдық ортада түсіндіру жұмыстары жүргізілуде. Бұл қылмыстың алдын алуға көмектеседі деген ойдамыз»,-деді Ержан Ибрагимов.

 

 

Біздің каналымызға жазылыңыз:

Бөлісіңіз:

Автор:

Арайлым Жолдасбай

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059
MURAǴAT