+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Алматыда суық судың тарифі алдағы бес жылда өзгермейді

2019 жылғы 15 қараша 13:19
Бөлісіңіз:
Алматыда суық судың тарифі алдағы бес жылда өзгермейді

АЛМАТЫ. ҚазАқпарат - Алматылықтар үшін суық су тарифы 2025 жылға дейін өзгермейді. Ал кәріз қызметінің төлемі өсуі мүмкін. «Алматы су» МКК тарифтік саясат жобасын қоғамдық тыңдауларға ұсынды, деп хабарлайды ҚазАқпарат тілшісі.

Қазақстан бойынша Алматыда суық су мен кәріз қызметінің төлемі төмен тарифтер қатарында. Тұрғындарға суық судың ақысын 2025 жылға дейін 1 текше метріне 50,01 теңге қылып қалдырып, ал кәріз қызметін 25,92 теңгеден 33,69 теңгеге дейін көтеруге ұсыныс жасалды.

«Соңғы рет тарифтер 5 жыл бұрын 2014 жылдың қаңтар айында қабылданды. Содан бері қымбаттаған жоқ. Қолданыстағы тариф мерзімінің келуіне байланысты, коммуналдық кәсіпорын қоғамдық тыңдауларға тарифтік жобаны ұсынып отыр, мақұлданғаннан кейін тарифтер тағы 5 жыл өзгеріссіз қалады. Қаланың тарифі әлеуметтің ыңғайына бағытталған»,- деп хабарлады «Алматы су» МКК.

«Алматы су» кәсіпорыны заңды тұлғаларға 152,73 ден (қазіргі тариф) 168,01 теңгеге дейін, кәріз қызметіне 52,61 теңгеден (қазіргі тариф) 68,39 теңгеге көтеру туралы ұсыныс жоба жасады.

«Тарифтердің өзгергені кәсіпорынға салық жүктемесімен, тозығы жеткен жабдықтармен, құбырларды жаңарту мақсатында, қызметкерлердің еңбек ақысын көтеруге бағытталған»,- деп мәлімдеді «Алматы су» МКК.

Кәсіпорын тұтынушыларға қызмет көрсету сапасын жақсартуды, модернизациялау, технологияларды автоматтандыру, Алматы қаласының су мен кәріз қызметінің өндірістік процесстерін ары қарай дамытуды жоспарлап отыр.

Коммуналдық төлемдер бағанында суық су мен кәріз қызметінің үлесі 4-5 пайыздан аспайды. Суық су мен кәрізге алматылық бір отбасының төлемі 600-700 теңгені құрайды.

Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059

MURAǴAT