Алматыда спортсүйер қауымға тегін таңғы жаттығу өткізілді
Тұңғыш Президент саябағында тәжірибелі фитнес-құрылымдаушылар таңғы спорттық жаттығуды тегін өткізді. Спортпен шұғылдануға студенттер және зейнеткерлер келді.
«Спортпен айналысқысы келетіндерге біз кешенді дене жаттығуының қалай жасалатынын көрсеттік. Осы арқылы қазақстандықтарды спортқа шақыратын «Сенің жаңа қырың» деп аталатын эстафетаға үлесімізді қостық. Біз отырып-тұру, жылдам адымдау арқылы, джампинг джек пен жартылай секіру жаттығуларының көмегімен дененің барлық бөлігін қозғадық. Бұл жаттығуларды жасы да кәрісі де еш қиындықсыз жасай алады» - деді фитнес-жаттықтырушы Денис Журов.
Айта кетейік, «Спорттық Алматы» бағдарламасы аясында Almaty Street Fitness көше жаттығулары әр жексенбі күні өткізіледі. Шара қала тұрғындары мен қонақтарына дұрыс жаттығу тәсілдері мен тамақтану тәртібін қалыптастыруға көмектесіп, сол арқылы салауатты өмір салтын насихаттауға бағытталған.
