Алматыда Шырын Мусинаны ұрмақ болған жігіт іздестіріліп жатыр

АЛМАТЫ. ҚазАқпарат - Алматыда көшеде әйелді ұрмақ болған ер адам іздестіріліп жатыр, деп хабарлайды ҚазАқпарат тілшісі.

Бұл ақпарат әлеуметтік желіде таралды.

Белгісіз жігіт алматылық Шырын Мусинаға түнгі 23:00 шамасында әл-Фараби (Марков пен Сейфуллин көшелерінің қиылысы) даңғылында тап берген.

Қалалық ПД баспасөз қызметі хабарлағандай, қазір күдікті іздестіріліп жатыр.

«Оның кім екені анықталған соң міндетті түрде ұсталады. Одан кейін оның іс әрекетіне құқықтық баға беріледі» деді полициядан.