+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Алматыда Серке Қожамқұлов туралы деректі фильмнің тұсаукесері өтті

2019 жылғы 12 желтоқсан 18:12
Бөлісіңіз:
Алматыда Серке Қожамқұлов туралы деректі фильмнің тұсаукесері өтті

АЛМАТЫ. ҚазАқпарат – Алматыда ҚР Ұлттық кітапханасында режиссер Алексей Каменскийдің «Сералы Қожамқұлов» атты деректі фильмнің тұсаукесері өтті, деп хабарлайды ҚазАқпарат тілшісі.

Ұқсас жаңалықтар
Оралда Жұбан ақынға еңселі ескерткіш орнатылды Ақжайықта Жұбан орталығы ашылды БҚО театрында Жұбанның 100 жылдығына орай жаңа премьера қойылады

Деректі фильм XX ғасырдың басында елімізде тұңғыш Ұлтық театрдың негізін салушылардың бірі Серке Қожамқұловтың өмірі мен шығармашылығы туралы баяндайды. Табиғи талантымен сахна өнерін меңгерген өнер иесі қазақ киносының актерлік мектебін де қалыптастыруға тікелей араласқан.

« Серке Кожамқұлов – ұлттық кәсіби театр және кино өнерінің негізін қалаған хас шеберлердің бірі. Ашаршылық пен соғысты өз көзімен көрген дарын иесі ешбір қиындықтарға қарамастан өмірінің соңына дейін өнерге адал қызмет етті», - деді Қазақстан кинематографистер одағының төрағасы Ермек Тұрсынов.

Айта кетсек, фильмнің тұсаукесеріне Серке Қожамқұловтың қыздары – Рената, Балым, Мәриам және Салиха Қожамқұловалар қатысып, әкелері туралы естеліктерімен бөлісті.

«Он бір баладан қазір бесеуіміз ғана қалдық. Әкеміз білімге қатты көңіл бөлетін, соның арқасында бүгінде әрқайсымыз аяғымызға нық тұрып, өз орнымызды таптық. Менен басқасы барлығы да ата-анамыздың жолын қуып, өнер әлемінде қызмет етіп келеді. Осындай тамаша туындыны шығарған «Қазақфильм» киностудиясына, картинаның түсіру тобына алғысымды білдіремін», - деді актердің қызы Рената Қожамқұлова.

«Қазақфильм» киностудиясының президенті Арман Әсенов Серке Қожамқұловтың жарқын бейнесі мен ұлт өнеріне сіңірген еңбегі халық жадында мәңгі сақталатынын айтты.

«Бүгінгі кешке қатысып отырғаныма өте қуаныштымын. Ұлтымыздың біртуар актері, қайталанбас тұлғасы Серағамыздың артынан қалған қыздары бүгінде еліміздің мәдениетіне елеулі үлес қосып жүрген асыл жандар. Биыл ағамыздың бұл дүниеден өткеніне 40 жыл болыпты. Сералы ағамыздың жарқын бейнесі мен ұлт өнеріне сіңірген еңбегі халық жадында мәңгі сақталатынына сенімдімін», - деді «Қазақфильм» киностудиясының президенті Арман Әсенов.

«Қазақ Ренессансы» циклы бойынша түсірілген кинотуындыны ҚР мәдениет және спорт министрлігі тапсырысы бойынша Ш.Айманов атындағы «Қазақфильм» АҚ түсірді.

Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT