Алматыда селден жапа шеккендерге көмек көрсеткендер үшін «Алғыс кеші» өтеді

АЛМАТЫ. ҚазАқпарат - Алматыда Қызыл Жарты ай қоғамы селден жапа шеккендерге көмек көрсеткен еріктілерге арнап алғыс кешін өткізбек. Бұл туралы қоғамның баспасөз қызметі хабарлады.

Кеш «ArtPoint» мәдени кеңістігінде 6 қыркүйекте өтеді. «Біз сол қиын мезетте тұрғындарды жалғыз қалдырмай, қол ұшын созған азаматтарға, компаниялар мен ресторан ұжымдарына, еріктілерге алғыс айтамыз. Олардың құрметіне шығармашылық кеш өткіземіз. Қоғам өз батырларын біліп жүруі керек», - делінген хабарламада. Кеш барысында жас өнер ұжымы «Айтұмар» тобының тұсауы кесіледі. Жас қазақстандық топ Доиран Греймен бірге ән шырқайды. Сондай-ақ, Мәди Бекдайырдың құммен анимациялық шоуы, Ғалымжан Молданазардың орныдаушылық өнері келушілерді тәнті етпек.