Алматыда саябақтар мен базарларға келушілер тек маскамен ғана кіре алады

АЛМАТЫ. ҚазАқпарат – Саябақтар мен базарларға азаматтар маскамен ғана кіргізілетін болады. Бұл туралы онлайн брифинг барысында Жандарбек Бекшин мәлім етті, деп хабарлайды ҚазАқпарат тілшісі.

«Коронавирус инфекциясының таралуын одан әрі тоқтату жөніндегі штаб халық жаппай баратын орындарға, атап айтар болсам саябақтар мен базарларға, сауда орталықтарына азаматтарды тек маскамен кіргізу туралы шешім қабылдады», - деді Жандарбек Бекшин.

Оның айтуынша, коронавирус инфекцияның алдын алу бойынша үнемі түсіндіру жұмыстары жүргізіліп отырады.

«Профилактикалық шаралар туралы баннерлер жаңартылады: әлеуметтік арақашықтықты сақтау, маска тағу», - деді ол.