Алматыда сауда орталығына «бомба қойылды»
2022 жылғы 4 шілде 11:43

Алматыда сауда орталығына «бомба қойылды»

АЛМАТЫ. ҚазАқпарат - Алматыда сауда ойын-сауық орталықтарының біріне бомба қойылғаны туралы хабар жалған болып шықты, деп хабарлайды ҚазАқпарат тілшісі.

Алматы қалалық полиция департаментінің мәліметінше, бүгін 10:04 шамасында 102 пультіне сауда ойын-сауық орталығына бомба қойылғаны туралы қоңырау түскен.

«Сауда ойын-сауық орталығының әкімшілігі, күзет қызметі және құқық қорғау органдары жалға алушылар мен келушілерді эвакуациялау үшін, сондай-ақ, құқық қорғау органдарының іс-шараларды одан әрі жүзеге асыруы үшін тиісті сценарий әзірледі. Қысқа мерзімде қабылданған іс-шаралар нәтижесінде хабарламаның жалған екендігі анықталды», - деп хабарлады ведомстводан.

Алматы полициясы тұрғындарды жүргізіліп жатқан қауіпсіздік шараларына түсіністікпен қарауға шақырады.

Бұған дейін «MOSKVA metropolitan» сауда ойын-сауық орталығының келушілері эвакуацияланғанын жазған болтынбыз.


Jańalyqtar

Үрдіс

MURAǴAT