Алматыда робот техникасынан халықаралық жарыс өтеді

АЛМАТЫ. ҚазАқпарат – Алматыда 7-9 қаңтар аралығында робот техникасынан халықаралық жарыс өтеді, деп хабарлайды ҚазАқпарат тілшісі.

Ұйымдастырушылардың мәліметінше, байқауға білім беру ұйымдарының оқушылары мен колледж студенттері қатысады.

Жарыс VEX EDR, VEX IQ, Бірінші лига LEGO (FLL), MAKEX, Дүниежүзілік дрондар олимпиадасы, Үлкен саяхат, РобоСУМО санаттары бойынша өткізіледі.

Алматыдағы Оқушылар сарайында өтетін байқауға еліміздің 16 облысынан және Бішкек, Душанбе,Ташкент қалаларынан 266-дан астам команда қатысады.