+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Алматыда Раиса Мұхамедиярованы ақтық сапарға шығарып салды

2019 жылғы 7 қараша 12:15
Бөлісіңіз:
Алматыда Раиса Мұхамедиярованы ақтық сапарға шығарып салды

АЛМАТЫ. ҚазАқпарат - Алматыда Раиса Мұхамедиярованы ақтық сапарға шығарып салу рәсімі өтті, деп хабарлайды ҚазАқпарат тілшісі.

Ұқсас жаңалықтар

Қаралы жиын Алматыдағы Ғ. Мүсірепов атындағы қазақ балалар және жасөспірімдер академиялық театрында өтті. Әртісті ақырғы сапарға шығарып салуға театр және кино әртістері, зиялы қауым өкілдері, қала халқы, өнерсүйер қауым қатысты. Жиналғандарға Нұр-Сұлтан қаласынан арнайы келген қоғам қайраткері Мәди Артығалиев ҚР Президенті Қасым-Жомарт Тоқаевтың көңіл айту жеделхатын оқып берді.

«Белгілі мәдениет қайраткері, театр және кино әртісі Раиса Мұхамедиярованың дүниеден өтуіне байланысты ауыр қайғыларыңызға ортақтасып көңіл айтамын. Раиса Мәжітқызы ұзақ жылдар бойы театрда өнер көрсетіп, кейіпкерлерді асқан шеберлікпен сахнаға шығара біліп, көрермен қауымның ыстық ықыласына бөленді. Сондай-ақ көркем фильмдерге түсіп, көптеген басты рөлдерді сомдады. Оның есімі мен жарқын бейнесі өнер сүйер қауымның жүрегінде мәңгі сақталады», - делінген Президенттің жеделхаттында.

Сонымен қатар, ҚР Парламенті Сенатының төрағасы Дариға Назарбаева, ҚР Мәдениет және спорт министрі Ақтоты Райымқұлова, Алматы қаласының әкімі Бақытжан Сағынтаев және Нұр-Сұлтан қаласының әкімі Алтай Көлгінов көңіл айту жедел хатын жолдады.

Қаралы жиында, өнер адамдары марқұмның өнері мен өмірі туралы айтып, еске алды.

«Театр және кино әлемі тағы бір шоқтығы биік жұлдызынан айрылды. Бүгін Раиса Мұхамедярованы ақтық сапарға шығарып салып тұрмыз. Раиса қазақтың киносы мен театрында «сұлулықтың симоволы» болатын. Сахнадағы ерекше образдарымен есте қалды. Кино саласында да өзіндік орны бар актриса еді. Кинодағы әрбір бейнесі көрерменің есінде мәңгі сақталады. Біз сияқты жастар сол кісілердің ойнаған киносын көріп есейдік, еліктедік, бала кейіпімізбен ғашық болдық. Бүгін міне мәңгі мекеніне шығарып салып жатырмыз», - деді қаралы жиында Ғ. Мүсірепов атындағы қазақ балалар және жасөспірімдер академиялық театрының директоры Азамат Сатыбалды.

Раиса Мұхамедиярова 1963 жылы режиссер Сұлтан Қожықовтың қазақ киносының алтын қорынан орын алған «Менің атым - Қожа» фильмінде ұстаз Майқанованың рөлімен халыққа кеңінен танылды. 30-ға жуық фильмге түскен.

Айта кетейік, 1964 жылы Раиса Мұхамедиярова жазушы Ғабит Мүсіреповке тұрмысқа шығып, 8 жыл некеде болған. Актриса 80 жасында дүниеден озды.

Біздің каналымызға жазылыңыз:

Басты сөздер: Алматы,
Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT