Алматыда «Рахат» базарының жанындағы жерге қатысты дауға нүкте қойылды
Оның айтуынша, Жетісу ауданы, Солтүстік айналым, 9 көшесінде орналасқан 97 сотық жер телімі 2015 жылдың сәуір айынан 2018 жылдың 3 наурызына дейін «ТКМ» ЖШС-не жалға берілген.
Аталған серіктестік мерзімнің аяқталуына байланысты қала әкімдігіне учаскені жалға алуды ұзарту туралы уақытында жүгінбеген. Сондықтан жер телімі оларға жалға берілмеді. Кейіннен серіктестік сотқа шағымданды.
Мамандандырылған ауданаралық экономикалық сотының 2018 жылдың тамыз айындағы шешімімен «ТКМ» ЖШС талаптарын толық көлемінде қанағаттандырудан бас тартылды. Қалалық сот сол жылы бірінші инстанцияның шешімін өзгеріссіз қалдырды
«Одан соң жер учаскесі 2019 жылдың маусым айында инвестициялық жоба ретінде «Almaty CPS» ЖШС-не 4 жыл 11 ай мерзімге пайдалануға берілді. Әкімдіктің бұл шешіміне сотқа шағым жасалып, жалдау шарты бұзылды. Осылайша, сот бұл дауды тоқтатты және жер қазіргі уақытта мемлекеттің иелігінде»,- деді аудан әкімі.
Кәсіпкерлердің мүдделерін қамтамасыз ету үшін, осы уақыт ішінде даулы аумақта тұрған және жалға алуға ешқандай заңды құқығы жоқ «ТКМ» ЖШС-нің жалдау ақысын төлеген аудан әкімі кәсіпкерлермен де, жаңарған көрші базарлардың директорларымен де бірқатар кездесу өткізді.
«Кездесулер барысында кәсіпкерлер көрші базарлар олардың сауда орындарын сатып алуға немесе жалға алуы және т.б. мәжбүр ету мүмкін деген ниетте алаңдаушылық білдірді. Олардың мүдделерін сақтау үшін мен көрші базарлардың барлық директорларын шақырдым, олар кепілдік берді және оларды жазбаша жалдау шарттарында бекітуге дайын, ал олар белгілі бір кезең ішінде 1 айдан 3 айға дейін демалыс түрінде жеңілдіктер берді әрі жыл ішінде жалдау және тағы басқа төлемдерді ұлғайтпайды»,- Гүлнар Көкебаева.
Әкімнің сөзінше, «ТКМ» ЖШС жалға алушыларды өз мүддесіне пайдалануда.