+7 (701) 759 90 19
USD 427.22 EUR 519.71
RUB 5.78 CNY 66.52
Jańalyqtar

Алматыда прокуратура мониторинг тобының жұмысынан заңбұзушылық анықтады

2021 жылғы 5 мамыр 12:27
Бөлісіңіз:
Алматыда прокуратура мониторинг тобының жұмысынан заңбұзушылық анықтады

АЛМАТЫ. ҚазАқпарат - Прокуратура Алматы қаласындағы мониторинг тобының жұмысынан заңбұзушылықтарды анықтады, деп хабалайды ҚазАқпарат тілшісі.

Прокуратураның қоғамдық мүдделерді қорғау басқармасының бастығы Фархат Сәдіровтің айтуынша, Алматыда сall-орталық құрылған. Онда кәсіпкерлер жұмыс мәселесі бойынша жүгіне алады. Мысалы 2021 жылдың басынан бері мұнда 120-ға жуық шақырту түскен. Оның ішінде мониторинг топтарға шағым көп.

«Бұл топтар рейд жүргізіп, карантин шектеулерінің сақталуын тексереді. Тиісінше кәсіпкерлерде осы топ қызметіне қатысты сұрақтар туындайды. Кәсіпкерлермен диалог құру кезінде бизнес субъектілерінде наразылық тудыратын мониторинг топтары шешімі жиі анықталады», - деді Фархат Сәдіров.

Мысалы, прокуратура Алмалы ауданы мониторинг тобының заңсыз әрекетін анықтаған. Бұл топ күндізгі уақытта бос кафелерге кіріп, келушілердің жоқ екеніне қарамастан, кәсіпкерлерге адам саны нормадан асып кеткені үшін айыппұл салуға тырысқан.

Сондай-ақ, Фархат Сәдіров мониторинг топ құрамы әкімдік қаулысымен бекітілгенін түсіндірді. Оған әкімдік, полиция, «Атамекен» өкілдері мен қоғам қайраткерлері кіреді. Олардың шаралары толық құрам шыққан кезде ғана заңды болады. Олар бизнес нысандарына жалғыз бара алмайды. Мониторинг тобына қатысы жоқ қызметкерлердің рейд жүргізуі де заңсыз. Мұндай жағдайларда кәсіпкерлер оларды нысанға жібермеуге құқылы.

«Іс жүзінде Наурызбай ауданындағы нысандардың біріне полиция қызметкерлері мониторинг топ ретінде барып, тыйым салынғандықтан нысанды жабуды талап еткен мысалдар бар. Шын мәнінде, бұл мекеме Ashyg пилоттық жобасы аясында жұмыс істеген. Прокуратураның араласуынан кейін ол қызметкерлер жауапкершілікке тартылды», - деді ол.

Сонымен қатар, ол прокурорлар пандемия жағдайында бақылаушы қызметтер қабылдайтын шектеу-тыйым салу шараларын зерделеуге ерекше назар аударатынын атап өтті.

«Мысалы, Бостандық ауданы санитарлық-эпидемиологиялық бақылау басқармасының басшысы өз қаулысымен 17 нысанның қызметін тоқтатты, себебі осы нысандардағы бірнеше қызметкерде COVID-19 анықталған. Мұндай нысандардың ішінде банк, жеке мектептер, университеттер және басқалары бар. Заң бойынша санэпидқадағалау органдарының мұндай өкілеттіктері жоқ. Сондықтан прокуратура бұл жағдайға араласуға және заңсыз қаулыларды жоюға мәжбүр болды. Қадағалау актісі бойынша кінәлі лауазымды тұлғалар кәсіпкерлік қызметке заңсыз араласқаны үшін әкімшілік жауапкершілікке тартылды. Нысандар өз жұмысын қайта бастады», - Прокуратура өкілі.

Сондай-ақ, Фархат Сәдіров Алматының барлық кәсіпкері мемлекеттік органдардың кез келген заңсыз шешімі мен әрекеті бойынша прокуратураның сall-орталығына 8-701-775-55-00 телефоны арқылы хабарласуына болатынын ескертті.


Біздің каналымызға жазылыңыз:

Бөлісіңіз:

Автор:

Алма Мұқанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT