Алматыда полиция екі интернет-порталдың редакциясында тергеу жүргізіп жатыр

АЛМАТЫ. ҚазАқпарат - Алматы полициясы қазақстандық екі интернет-порталдың редакциясында тергеу жұмыстарын жүргізіп жатыр, деп хабарлайды ҚазАқпарат тілшісі.

Қалалық ІІД баспасөз қызметінің хабарлауынша, азамат К. аталған портал қызметкерлерінің жалған ақпарат таратқанына қатысты шағым түсірген болатын. 

«Аталған дерек ҚР ҚК 274-бабы 3-бөлігі бойынша сотқа дейінгі тергеп-тексерудің бірыңғай реестріне тіркелді. Қазіргі таңда тергеу амалдары жүріп жатыр. Өзге ақпарат тергеу мүддесіне орай жарияланбайды», - деді ІІД баспасөз қызметінен.