+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Алматыда полицей ұйқыдағы адамды өртеніп жатқан қонақ үйден алып шықты

2020 жылғы 15 қыркүйек 15:05
Бөлісіңіз:
Алматыда полицей ұйқыдағы адамды өртеніп жатқан қонақ үйден алып шықты

АЛМАТЫ. ҚазАқпарат - Алматыда полиция қызметкері өртенген қонақ үйден ұйықтап жатқан адамды аман алып шықты, деп хабарлайды ҚазАқпарат тілшісі.

Кеше сағат 22.30 шамасында Алатау ауданындағы Шоссейная көшесіндегі қонақ үй кешенінен өрт шыққан.

«Қоластымда қызмет ететін қызметкерлерім маған қоңырау шалып, қонақ үй өртеніп жатқанын хабарлады. Мен жұмысқа тез келдім, арнайы қызмет өкілдері шақырылды. Осыған орай ерекше ризашылығымды білдіргім келеді. Кеше көшеде өтіп бара жатқан жігіт бөлмеде ұйықтап жатқан жас жігітті құтқарып, өз өмірін қатерге тікті. Кейін белгілі болғандай, бұл – Алатау ауданының полиция қызметкері екен», – деді қонақ үй кешенінің иесі.

Әңгіме Алатау ауданы ПБ бастығының орынбасары Жансерік Мыңжасаров туралы болып отыр.

Өрт шыққан кезде ол Шаңырақ шағынауданына кезекшілігіне бара жатқан.

«Мен Солтүстік айналма көшесімен оңтүстік бағытта келе жаттым. Қонақүйден шығып жатқан түтінді көрдім. Дереу көлігімді қоя салып жүгірдім. Ғимараттың алдында 10 шақты адам болды. Мен әкімшіден «ішінде адамдар бар ма?» деп сұрадым. Ол 108-бөлмеде ер адам бар екенін және оның қалың ұйқыда жатқанын айтты. Сосын бірден екінші қабатқа көтерілдім, түтін тым қою екен. Есікті сындыруға тура келді. Амалын тауып, әлгі адамды көшеге алып шықтым», – дейді подполковник Мыңжасаров.

Құтқарылған адам Алматыға іссапармен келген. Ол өмірін құтқарған полицейге алғысын айтты.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT