USD 435.1 EUR 493.27
RUB 5.69 CNY 68.63
Jańalyqtar

Алматыда пайра синдромына шалдыққан науқасқа ота жасалды

2021 жылғы 29 қараша 22:02
Бөлісіңіз:
Алматыда пайра синдромына шалдыққан науқасқа ота жасалды

АЛМАТЫ. ҚазАқпарат - Алматыдағы қалалық №7 ауруханада созылмалы колостазға шалдыққан әйелге күрделі ота жасалды, деп хабарлайды ҚазАқпарат тілшісі.

Медициналық сақтандыру қоры Алматы филиалының мәліметінше, операция міндетті әлеуметтік медициналық сақтандыру пакеті шеңберінде жасалған.

Жас келіншектің бұл дертке шалдыққанына бірнеше жыл болған. Алғашында ол жүрек айну, бас айналу, құсу, іш ауруы сынды жағымсыз белгілермен өз бетінше күресіп көрген.

Ақырында 10 күн бойы дәреті жүрмей, кейін дәрігерлердің көмегіне жүгінуге мәжбүр болған.

Дәрігерлер пациентке пайра ауруы – созылмалы колостаз деген диагноз қойып, оны шұғыл операцияға дайындаған.

№7 аурухананың хирургі Нұрлан Мәуленовтің айтуынша, созылмалы колостаз – тоқ ішекте кездесетін ауру.

Мұндай аурумен ауыратын адамның іші кеуіп, үлкен дәреті жүрмейді, салдарынан ағза уланады.

«Бұл дертке шалдыққан пациенттер уақытылы емделу қажеттігін естен шығармағаны жөн. Көп жағдайда мұндай сырқаттарға хирургиялық көмек көрсетіледі», - дейді дәрігер.

Науқастың жағдайы қазір жақсы, өзін жайлы сезінеді.

«Отадан кейін жағдайым біртіндеп жақсара бастады, қазір бәрі ойдағыдай. 15 күннен кейін үйге сауығып қайттым. Дәрігерлерге рақмет», - дейді пациент.

Естеріңізге сала кетсек, МӘМС пакетіне кіретін ота жоспарлы түрде жасалды.


Біздің каналымызға жазылыңыз:

Бөлісіңіз:

Автор:

Алма Мұқанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT