Қолданушы баптаулары
Қолданушы баптаулары
+7 (701) 759 90 19 Лента
USD 377.33 EUR 424.68
RUB 5.92 CNY 56.17
Jańalyqtar

Алматыда Орталық Азия документалистері бас қосты

2018 жылғы 6 желтоқсан 08:31 1204
Бөлісіңіз:
Алматыда Орталық Азия документалистері бас қосты

АЛМАТЫ. ҚазАқпарат - Алматыда Елбасының «Ұлы даланың жеті қыры» мақаласы аясында Бірінші Орталық Азия деректі кино форумы өз жұмысын бастады, деп хабарлайды ҚазАқпарат.  

Ұқсас жаңалықтар
Қазақстанның қазіргі тарихы жайлы фильм түсіру керек - Ақан Сатаев Литваның үш қаласында қазақстандық фильмдер көрсетіле бастады

Т. Жүргенов атындағы Қазақ ұлттық өнер академиясының мәліметінше, форумның ашылу салтанатында академия ректоры Асхат Маемиров, Шакен Айманов атындағы «Қазақфильм» АҚ президенті, режиссер Бақыт Қайырбеков және бірқатар кино мамандары  сөз сөйлеп, көрсетілетін фильмдерге қысқаша тоқталды.

«Бірінші Орталық Азия деректі кино форумын өткізудегі мақсат - түп-тамырымызды, ұлт­­­тық тарихымызды тереңінен зерделеп, деректі фильмдер арқылы кино кеңістігіне шығару. Академияның «Кино және ТВ» факультетінде деректі фильм режиссурасы нақты жүйелі түрде жолға қойылған. Еліміздің рухани құндылықтарын дәріптейтін деректі фильмдер әлемдік деңгейде үлкен мәнге ие. Жиынға Өзбекстан, Қырғызстан және Тәжікстаннан жоғары деңгейдегі білікті режиссерлер келіп отыр. Жалпы, деректі фильм арқылы тарихи тұлғаны қандай мәліметтер арқылы көрерменге ұсынуға болады? Осы орайда, форум барысында екі фильмнің  тұсаукесері өтеді. Біріншісі - өзбек режиссерлерінің Венеция фестивалінде жеңімпаз атанған «Ұлықбек» деректі фильмі. Екіншісі - қазақстандық  кинорежиссер Бақыт Қайырбековтың фильмі. Ол Ұлы даланың түркі тектес халықтарының тарихын арқау еткен. Іс-шара барысында жиырмаға жуық фильм көрсетілмек», - деп атап өтті.

Алматыда Орталық Азия документалистері бас қосты 

Шараға Орталық Азия аймағының белгілі  документалистері, КСРО Мемлекттік сыйлығының лауреаты, режиссер  Шухрат Махмудов, өзбекстандық сценарист және кинотанушы Разика Мергенбаева, кинотанушы Садулло Рахимов, Тәжікстаннан режиссер және продюсер, ХКФ лауреаты  Орзумурод Шарипов, кинотанушы Гульбара Толомушова, Қырғызстаннан жас документалистердің көшбасшысы Жанышбек Дадабаев, режиссер Владимир Тюлькин,  режиссер Ануар Райбаев, кинотанушы Александра Лумпова, жас режиссер Евгений Лумпов қатысуда.

Форумның бірінші күні - өзбек, екінші күні - қырғыз бен тәжік,  ал соңғы күні қазақ фильмдері көрсетіледі.


Алматыда Орталық Азия документалистері бас қосты 
Алматыда Орталық Азия документалистері бас қосты 

 

 

 

Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Кожакелдиев Е.
Кожакелдиев Е.
954-059
MURAǴAT