Алматыда оқушылар жасаған 100-ден астам құс ұясы ілінді (ФОТО)

АЛМАТЫ. ҚазАқпарат - Алматыда №5 гимназия оқушылары қараторғайға арнап 100 үйшік жасады.

Құс ұялары Медеу саябағындағы талдарға ілінді.

Жасанды ұялар «Медеу» тау шаңғысы курортының 2016 жылғы даму бағдарламасы шеңберінде өткен «Құстар күні» акциясы аясында жасалды.

«Акцияға қатысқан әр бала өз қолымен жасап, табиғат экожүйесінің сақталуына өз үлесін қосты. Бұл жұмыстардың балаларға үлкен тәрбиелік мәні болды», - деді парк әкімшілігінен.

Экологиялық жұмыс барысында «Алма Қала» ұйымы бастаған Медеу паркінің аймағында 800 түп алма, терек, үйеңкі, шаған ағашын отырғызды.