Алматыда оқушы қызды көлік қағып кетті

АЛМАТЫ. ҚазАқпарат - Алматыда жаяу жүргіншілер өткелінде оқушы қызды көлік қағып кетті, деп хабарлайды ҚазАқпарт тілшісі.

Алматы қалалық полиция департаментінің мәліметінше, жол апаты 14 мамыр күні сағат 12:25 шамасында болды.

«Subaru» көлігінің жүргізушісі Масанчи көшесімен солтүстік бағытта келе жатып, Жібек жолы көшесінің қиылысында жаяу жүргіншілер өткелінде 2010 жылы туған қызды қағып кетті.

«Оқушы қыз дене жарақатымен Алматы қаласының №1 қалалық балалар клиникалық ауруханасына жеткізілді. Бұл фактіні Алмалы аудандық полиция бөлімінің қызметкерлері тексеріп жатыр», – деді Алматы қалалық полиция департаменті тергеу бөлімінің бастығы Олжас Шәріпов.

Еске салсақ, Жамбылда жол апатына ұшыраған Өзбекстан азаматтары еліне аттанды.