Алматыда нөмірсіз көлікпен қарсы бағытта жүрген полиция қызметкері жазаланды
Оның видеосы әлеуметтік желіде тарады.
Оқиға 2 желтоқсанда таңертең Талғар тасжолы бойында Бесағаш ауылының маңында болған. Оқиға куәгері таңғы сағат 7.00 шамасында «Mercedes» жүргізушісі кептеліс кезінде қарсы жолаққа қалай шыққанын камераға түсіріп алған.
Желі қолданушы жүргізушінің полиция формасында және көлік нөмірсіз болғанын айтты.
Алматы қалалық полиция департаменті жағдайға қатысты пікір білдірді.
Ведомство мәліметінше, видеоға Патрульдік полиция полкінің қызметкері түсіп қалған. Ол бірқатар жол қозғалысы ережесін бұзды.
«Қызметкер әкімшілік жауапкершілікке тартылды. Қазіргі уақытта бұл факт бойынша қызметтік тексеріс жүргізіліп жатыр. Полицейдің әрекетін Алматы Полиция департаментінің тәртіптік комиссиясы қарайды, әрі қарай шаралар қабылданады», - деп хабарлады қалалық полиция департаментінің баспасөз қызметі