Алматыда Наурыз мейрамына байланысты бірқатар көше жабылады

None
АЛМАТЫ. ҚазАқпарат- Наурыз мерекесі аясында өткізілетін мәдени-бұқаралық іс-шаралар барысында Алматы қаласының бірқатар көшесінде көлік қозғалысы тоқтатылады, деп хабарлайды ҚазАқпарат тілшісі.

Наурыз мейрамына орай 21 және 22 наурызда қала аумағында түрлі салтанатты іс-шаралар жоспарланған. Осыған байланысты Желтоқсан, Абылай хан, Назарбаев көшелерінің бойымен Гоголь көшесінен Қабанбай батыр көшесіне дейінгі аралықта көлік қозғалысы шектеледі.Төле би даңғылы бойымен Желтоқсаннан Назарбаевқа дейін («Астана» алаңында) жол қозғалысы жабылады.

Сонымен қатар аталған аумақтарға көлік қоюға тыйым салынады.Жол қауіпсіздігін қамтамасыз ету, мереке күндері көлік кептелісін болдырмау үшін Алматы полициясы азаматтарды бұл шараларға түсіністікпен қарап, алдын ала қозғалыс бағыттарын реттеп, жол қозғалысы ережелерін қатаң сақтауға шақырады.
Соңғы жаңалықтар