Алматыда нан бағасын тұрақтандыруға 150 млн теңге бөлінеді
Спикердің сөзінше, «Азық-түлік корпорациясы» ҰК» АҚ қорынан қаладағы ұн тартатын кәсіпорындарға субсидияланған астықты жеткізу жалғасып жатыр.
«Әлеуметтік нанның сату бағасын бекіту үшін «Алматынан» ЖШС-ға 150 млн теңге бөлу жоспарда. Сонымен қатар жалпы әлеуметтік маңызы бар азық-түлік тауарлары бағасының өсуін тұрақтандыру мақсатында «Тоймарт» және «Магнум» сауда желілерімен келісімдер ұзартылды. Small желісіне, сондай-ақ «Когер» ЖШС-ға жұмыртқаны арзандатылған бағамен сатуға қосымша қаражат бағытталды», - деді Еркебұлан Оразалин.
Айта кетейік, ҚР Ауыл шаруашылығы министрлігі аграрлық азық-түлік нарықтары және ауыл шаруашылығы өнімін қайта өңдеу департаментінің директоры Назгүл Хатепова елімізде әлеуметтік нан бағасын 90 теңгеден асырмау міндеттелетінін айтқан болатын.
Сондай-ақ ҚР Ауыл шаруашылығы бірінші вице-министрі Айдарбек Сапаров елде астық тапшылығы жоқ және оның мөлшері жеткілікті екенін мәлім етті.