Алматыда мұқтаж жандарға көмек көрсететін волонтерлер штабы құрылды

АЛМАТЫ. ҚазАқпарат - Алматыда мұқтаж жандарға көмек көрсету бойынша қалалық еріктілер штабының жұмысы ұйымдастырылды, деп хабарлайды ҚазАқпарат тілшісі.

Штаб келесі мекенжайлар бойынша жұмыс істейді: Абылай хан көшесі, 79 және Байтұрсынов көшесі, 22/1. Жұмыс уақыты – күн сайын сағат 9.00-ден 17.00-ге дейін.

Штаб базасында жедел желі телефондары іске қосылды: [phone], [phone], [phone]. Олар бойынша көмек көрсетуге дайын және көмекке мұқтаж қала тұрғындары хабарласа алады.

Волонтерлер пунктінде мынадай бағыттар бойынша көмек көрсетіледі: консультациялық, психологиялық, заңдық, ақпараттық-түсіндіру жұмыстары және шұғыл желі телефонына келіп түскен өтініштер бойынша волонтерлік көмек.

Штаб жұмысына тәжірибелі волонтерлер мен қаланың ірі волонтерлік ұйымдары жұмылдырылды: Жастар ресурстық орталығы, «Қазақстан Волонтерлер лигасы» ҚҚ, «Жас Отан» ЖҚ, Алматы мейірімділік клубы, Lider.kz және тағы басқалар.

Демеушілік көмек көрсету мәселелері бойынша келесі нөмірлерге хабарласуға болады: [phone] - Бағдат, [phone] - Нұрсұлтан.