Алматыда мүгедек студент жатақханада соққыға жығылды

АЛМАТЫ. ҚазАқпарат – Алматыда Тұран университетінің мүмкіндігі шектеулі студенті Самат Рамазановты жатақханадағы көршісі соққыға жыққан. Бұл деректі қалалық Полиция департаменті растады, деп хабарлайды ҚазАқпарат тілшісі.
Бұл туралы Facebook-те қайырымдылық шараларын ұйымдастырумен айналысатын «Help Today» қорының жетекшісі Эльмира Әлиева жариялады.
«Біздің қорымыздың қызметкері, студент Самат Рамазановты Тұран университеті жатақханасындағы көршісі соққыға жыққан. Самат көршісінен терезені ашпауын, темекі шекпеуін өтінген. Содан екеуінің арасындағы сөз таластың арты төбелеске апарған. Саматты Өсеров ұрып жыққан. Бұл оқиғадан соң жатақханаға екі рет жедел жәрдем шақырылған», - деді Эльмира Алиева.
Самат Рамазанов Ұлттық педиатрия және балалар хирургиясы орталығының балалар онкологиясы бөлімінде сайқымазақ болып жұмыс жасайды.
Туабітті тұқымқуалайтын мукополисахаридоз дертімен ауырады.
Қазір Самат Рамазанов Бостандық ауданы полиция басқармасына арызданып қойды.
«Рамазановтың арызын Бостандық аудандық полиция басқармасы қабылдап алды. Қазір тергеу амалдары жүріп жатыр. Тергеу аясында сот медициналық сараптама тағайындалады. Сараптама қорытындысына сәйкес процессуалды шешім қабылданатын болады», - деді қалалық Полиция департаментінен.
Ал дәрігерлер Саматтың жағдайын орташа деп бағалап отыр.
«Пациенттің басы жарақаттанған. Бетінен соққы алған. Қажетті медициналық көмекті қабылдап жатыр. Нейрохирургиялық бөлімге жатқызылды», - деді қалалық Қоғамдық денсаулықты сақтау басқармасынан.
- Алматы орталығында жатақхана өртеніп, бір адам ажал құшты
- Ақтауда жаттығу кезінде 23 жастағы спортшы қаза тапты
- Түркістанда мұғалімді ұстап әкеткен полицей қызметінен шеттетілді
- Ақтауда теңіз жағасынан үлкен игуана табылды
-
Оралда Ұлттық ұлан жауынгерлері тапаншамен қаруланған бозбаланы ұстады
-
Ақтауда екі жүкті әйел жол апатынан зардап шекті
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам