Алматыда мотоцикл қағып кеткен әйел мерт болды

None
None
АЛМАТЫ. ҚазАқпарат – Алматыда мотоцикл мінген адам әйелді баласымен бірге қағып кетті, деп хабарлайды ҚазАқпарат тілшісі.

Жол апатының видеосы желіде пайда болды.

«Сәтбаев көшесінің бойындағы жаңа алаңда әйелді баласымен бірге мотоцикл қағып кетті», - деп жазылған жазба астында.

Алматы қалалық Полиция департаменті 19 шілде күні сағат 22:00-де Бостандық ауданында болған оқыс оқиғаға қатысты түсінік берді.

«59 жастағы DUKE BLACK мотоцикл жүргізушісі Сәтпаев көшесімен №4 ғимаратқа қарама-қарсы батыс бағытта келе жатып Республика алаңында 2 жолаушыны қаққан. Олар 45 жастағы әйел мен оның 6 жасар баласы екен. Жол апаты салдарынан жарақат алған ана мен бала қалалық аурухананың реанимация бөліміне жатқызылды, ауыр жарақаттан әйел сол жерде көз жұмды. Сондай-ақ, мотоцикл жүргізушісі де жарақат алып, ауруханаға жеткізілді. Оқыс оқиға ҚР ҚК 345-бабы 3-тармағына сәйкес сотқа дейінгі бірыңғай тергеу реестрінде тіркелді. Тергеу жұмыстары басталды», - деді Алматы қалалық Полиция департаменті анықтау басқармасының басшысы Олжас Шәріпов.


Соңғы жаңалықтар