10:05, 06 Қыркүйек 2021 | GMT +6
Алматыда мопед жүргізушісі жаяу жүргіншіні қағып кетті
АЛМАТЫ. ҚазАқпарат - Алматыда мопед жүргізушісі жаяу жүргіншіні қағып, оқиға орнынан қашып кетті, деп хабарлайды ҚазАқпарат тілшісі.
Жол апатының видеосы әлеуметтік желіде пайда болды.
«Оқиға 31 тамыз күні кешкі сағат 20:00 шамасында болды. Жаяу жүргіншіні қаққан мопед иесі оқиға орнынан қашып кетті»,- деп жазды автор.
Полиция департаменті апатқа қатысты түсініктеме берді.
«Бұл факт тергеудің бірыңғай тізіліміне тіркелді. Мән - жайды Медеу аудандық полиция басқармасы анықтап жатыр. Бұл қылмыс бақылауда», - деді Алматы қаласы Полиция департаменті бастығының тергеу жұмыстары жөніндегі орынбасары Рустам Әбдірахманов.