Алматыда монша өртенді

АЛМАТЫ. ҚазАқпарат - Алматыда монша мен қонақ үй кешенінен өрт шықты, деп хабарлайды ҚазАқпарат тілшісі.

Қалалық ТЖД хабарлауынша, Жетісу ауданы, Серпуховская 48 Б мекенжайындағы нысан өртеніп жатқаны туралы хабарлама таңғы 9:39-да түскен.

«Оқиға орнына шұғыл шыққан өрт сөндірушілер қалың түтін арасынан адамдардың бар жоқтығын тексерген. Тілсіз жау ғимаратқа жапсарлас тұрған ағаш констуркцияға көшіп кетуі мүмкін болғандықтан, өрт сөндірушілер шұғыл іс-қимылдады. Өрт 10:41-де ауыздықталып, 11:21-де толық өшірілді», - деді ТЖД ресми өкілі Сандуғаш Баймұхамбетова.

Тілсіз жау 50 шаршы метр аумақты шарпыған. Өрттен ешкім зардап шеккен жоқ.