13:02, 23 Наурыз 2018 | GMT +6
Алматыда «Mercedes-Benz» көлігі өртеніп кетті
АЛМАТЫ. ҚазАқпарат - Алматыда GL классты «Mercedes-Benz» көлігі түгі қалмай өртеніп кетті, деп хабарлайды ҚазАқпарат тілшісі.
Оқыс оқиға Райымбек пен Сейфуллин көшесі қиылысына жақын болған. Машина көлік жуу орнында тұрған кезінде тұтана бастаған.
Өрт сөндірушілер оқиға орнына 5 минутта жетті.
Тілсіз жау көлікті мүлде жарамсыз етіп, 6 шаршы метр аумақты шарпыды.
Өртенген көлікке жақын тұрып, жалынның ыстығы шарпыған «Reno Duster» көлігі мен «Золотой Дракон» мейрамханасының әйнектеріне зақым келді.
Өрт сөндірушілер тілсіз жауды 10 минутта ауыздықтап үлгерді.