+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Алматыда менингиттің таралуы: Полиция ешкім кінәлі емес деп тапты

2018 жылғы 24 тамыз 10:07
Бөлісіңіз:
Алматыда менингиттің таралуы: Полиция ешкім кінәлі емес деп тапты

АЛМАТЫ. ҚазАқпарат - Алматы полициясы менингиттің өршуіне қатысты іске кінәлі тұлғалардың болмағаны үшін сотқа дейінгі тергеу амалдарын тоқтатты, деп хабарлайды ҚазАқпарат тілшісі.

«Алматы прокуратурасы 2018 жылғы сәуір айынан 29 мамырға дейін Алматыда менингоккок инфекциясының таралғанын анықтады. Жұқпаның салдарынан 4 адам өлімі тіркелді. 29 мамыр күні сотқа дейінгі тергеудің бірыңғай тізілімінде Алматы қаласы Қоғамдық денсаулықты қорғау департаментіне қатысты абайсызда екі немесе одан да көп адамның өліміне әкеп соққан санитарлық тәртіп пен гигиеналық нормативтерді бұзу дерегі бойынша қылмыстық іс тіркелді», делінген ҚР ІІМ-нің агенттіктің сауалына берген жауабында.

Тергеу амалдарын Алматы қалалық ІІД-нің тергеу басқармасына жүргізді.

«Алматы қаласы Қоғамдық денсаулықты қорғау департаменті қызметкерлерінің іс-қимылынан қылмыстық әрекетке жататын объективті және жеткілікті дерек мағлұмат табылмады. 19 шілдеде сотқа дейінгі тергеудің мерзімі ҚР Қылмыстық-процестік кодексінің «қылмыстық құқықбұзушылық жасаған тұлғаны анықтамау» бабы негізінде тоқтатылды», делінген агенттіктің сауалына берілген жауапта.

Бұған дейін Алматы қалалық ІІД менингококк сырқатының өршуі туралы жалған ақпарат тарату дерегі бойынша сотқа дейінгі тергеу амалдарын жүргізіп жатқаны хабарланған еді.

Еске сала кетсек, ҚР ДСМ мәліметіне сәйкес, 2018 жылдың басынан бері 63 дерек тіркелген. Оның ішінде 13 адам жұқпаның асқынуынан көз жұмды.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT