+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Алматыда медицина колледжінің студенттері діни сауаттылық жөнінде дәріс тыңдады

2019 жылғы 16 қыркүйек 19:51
Бөлісіңіз:
Алматыда медицина колледжінің студенттері діни сауаттылық жөнінде дәріс тыңдады

АЛМАТЫ. ҚазАқпарат- Саясаттанушы Расул Жұмалыұлы Республикалық жоғары медицина колледжінің 500 студентіне дәріс оқыды, шараны Алматы қалалық Қоғамдық даму басқармасы ұйымдастырды, деп хабарлайды ҚазАқпарат тілшісі.

Ұқсас жаңалықтар
Жамбылда бес жылда 700-ден аса азамат радикалды діни көзқарастан бас тартқан Қазіргі таңдағы ең үлкен жиһад - білімсіздікпен күрес Діннен ізгілікті, дәстүрді көрген дұрыс – ғалым

Саясаттанушы жастармен кездесуде халықтың әсіресе жастардың діни сауаттылығын көтеру қажеттілігін атап өтті.

«Ислам дініне қатысты түрлі алып қашпа әңгімелер бар. Батыста исламға қарама-қайшы көзқарас қалыптасқан. Айдап салу, келеңсіз сипат алу сияқты дүниелер бар. Бұл дұрыс емес. Исламның негізгі бағыты- ол адамгершілік, адалдық, иманға тоқтау, қайырымдылық жасау, қиналғандарға қол ұшын беру. Ислам дінін ұстағандар міндетті түрде хиджаб киіп, сақал өсіріп, балағын түріп жүру дегенді білдірмейді. Бұл адамның жәй ғана сыртқы келбеті»,- дейді Расул Жұмалыұлы.

Лектордың айтуынша, қазіргі таңда әлем 200 мемлекеттің ішінде 56 мемлекет ислам дінін ұстанады. Олардың ішінде демократиялық, зайырлы елдер бар.

«Еліміздің зайырлылығы мемлекеттік билік органдарының діни наным-сенімге көзқарасын айқындайды. Зайырлы мемлекетте мемлекеттік билік дін және діни бірлестіктерден бөлінген. Мемлекет дін ісіне, ал дін және діни бірлестіктер мемлекет ісі мен саясатқа араласпайды. Біздің конституция бойынша біз осындай мемлекетпіз. Десекте, дін сол елдің, қоғамның, сол мемлекеттің дәстүрінің, дінінің, ділінің бір бөлігі болғандықтан әрине мүлдем араласпайды деуге болмайды. Мемлекет бұл мәселелерді реттеп, қарап отыруы керек», - деді шығыстанушы.

Терроризм мен экстремизмнің алдын алуға арналған шарада жастарға жиһад сөзінің мағынасы түсінідірілді.

«Қазір «жиһад» деген сөзді естісек болды, бойымызды бірден қорқыныш пен үрей билейді. Мұның мағынасы бұрмалаған. Жиһад шын мәнінде жақсылыққа ұмтылу, өзіңді жетілдіру, еңбектену, талпыну, күресу деген мағынаны білдіреді. Ал, теріс ағымдағылар мұны басқа ұғымда пайдаланып жүр. Исламның өзі бағыну, құлшылық ету, бейбітшілікке тоқталу дегенді білдіреді», - деді саясаттанушы Расул Жұмалыұлы.

Лекция барысында студенттер өздерін толғандырып жүрген сұрақтар төңірегінде ойларын ортаға салып, пікір алмасты.


Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT