Алматыда медицина ғимаратына ағаш құлап, шатыры мен қоршауын қиратты

АЛМАТЫ. ҚАзАқпарат – Алматыда Республикалық психикалық денсаулық ғылыми-практикалық орталығына ағаш құлап, шатыры мен қоршауын қиратты, деп хабарлайды ҚазАқпарат тілшісі Алматы қалалық ТЖД баспасөз қызметіне сілтеме жасап.

«Бүгін таңғы 06: 02- де Алматы қалалық ТЖД кезекші пультіне республикалық психикалық денсаулық ғылыми-практикалық орталығының медбикесі хабарласты. Ол Алмалы ауданы, Амангелді 88 мекенжайында орналасқан бір қабатты ғимараттың шатыры мен қоршауына ағаш құлағанын және ғимарат қабырғасында жарықшақ пайда болғанын айтты»,- делінген Алматы қалалық ТЖД хабарламасында.

Орталық қызметкерлері 21 науқас пен 11 медициналық персоналды басқа ғимаратқа ауыстырды. Зардап шеккендер жоқ.

Алматы қаласының құтқару қызметі жою жұмыстарымен айналысып жатыр.